माझी आई

आठवण येता आई तुझी हा जीव कातर होई...

कुशीत घेण्या मजला सत्वर धावून ये ना आई... ||

तुला पाहण्या आसुसले हे माझे दोन्ही नेत्र... 

तव स्पर्शाची मिळता ऊब तृप्त होतील गात्र.. ||

अल्पमती मी मज समजेना कशी वर्णू तव महती... 

आई त्याग नि वात्सल्याची असते ओतीव मूर्ती... ||

 

घरासाठी या अविरत झटते ना मनी कोणता स्वार्थ... 

आईवाचूनी या जगण्याला उरतच नाही अर्थ...||

कितीही मोठे झालो तरीही तिची माया कमी न होई... 

प्रेमाचा अर्थ सांगण्या देव आई रुपाने येई... ||

सर्वस्व देऊनी आम्हा घडविले कशी करू उतराई...

कुशीत घेण्या मजला सत्वर धावून ये ना आई...