बळी राजा
बळी राजा
पुसलं कुंकू फुटली काकण
काळ्या आईची कशी करावी राखण
भेगाळली माती झुरले ते मन
डोक्यावर बसलं सावकारी ऋण
दुष्काळी सावट आला धोंडा मास
डोळ्यांनी दिसत जीवन्त मरण
पडेना पाऊस कशी करावी पेरणी
रुसला मेघराज रुसली ती धरणी
कस पेटवावी चुल भुकेची भरणी
इथे रचावी लागते स्वतःचे सरण
नदी नाले आटले आटले डोळ्यात पाणी
जीव व्याकुळला कोण देईल का पाणी
कसा संसाराचा गाडा कुठला हो सण
घेतला धन्यानी हो गळफास संपलं जीवन