भूक

काय देवा खेळ मांडलायस नशिबाचा

काय गुन्हा केला जन्म घेऊन नारीचा

पुरातन काळापासून आतापर्यंत

भागवतेय भूक या पुरुषांच्या वासनेची

तरीही आजतागायत ठरलीय फक्त

भोगवस्तूच या पुरुषांची

वासनेच्या त्यांच्या या भुकेला

कधीतरी बसेल का रे आळा

रस्तो रस्ती गल्लोगल्ली माजलाय

या पुरुषांच्या भुकेचा रे डोंब

नेहमीच ठरलीय मी त्याच्या

वासनेची बळी

कधी पत्नी म्हणून तर 

कधी प्रेयसी म्हणून

आता तर सरेआम

लुटतायत लेकीसुनांची अब्रू

भुकेलेल्या या नराधमांची

कधीच भागत नाहीय भूक