लाइब्रेरी
प्रोफाइल
भ्रमाचा भोपळा
भ्रमाचा भोपळा
1 min
195
फुटला भ्रमाचा भोपळा
झाले शासनही हतबल
पिडीले विषाणूने जीवा
केलेय मानवास निर्बल
वाजल्या थाळ्याटाळ्या
पळविण्यास या रोगाला
ठाण मांडूनीच बसलाय
काय म्हणावेच भोगाला
आलेया वाट्याला संकट
एक वर्षही बघताच सरले
जीवानिशी गेले कितीतरी
नाही आप्त नातलग उरले
नशिबाने चालवली अशी
मानव्याची असूरीच थट्टा
घालुनी साकडेही देवाला
लागला माणुसकीला बट्टा
मार्ग काढावा कसा यातून
नाही उरला काहीच पर्याय
कसे टाळावे अशा रोगाला
सांगेल का कोणी उपाय
