भरारी
भरारी
साक्षर होऊनीच सखी
घेतलीस तू गगनभरारी
तुझ्या या सामर्थ्यासाठी
बनलीस विख्यात नारी
स्वप्न पाहिले डोळ्यांत
टेकण्या आभाळां हात
जीवनातील संकटावर
केलीस धैर्याने तू मात
घरादारालाही पटलेय
तुझ्या कार्याचे महत्व
कुटुंब परिवारासाठीही
तूच वेचक असे सत्व
जरी हेटाळले तुला या
जगतामध्ये जरी कुणी
राहिलीस तू आनंदाने
नाही काढली उणीदुणी
घरदार मुलाबाळांसाठी
खपली नित्य सर्वांसाठी
मदतीचा तत्परतेने हात
ठेवलास तुच सर्वांपाठी
हळूवार अशा हृदयाची
तू साक्षात असेच देवता
प्रसंगी बनतेस वाघिणी
शिलावरी ध्यान ठेवता