भिती

हरवण्याची भीती कसली

काय आहे तुझे इथे

कसला तो माज अंगी

क्षणभंगुर आयुष्य जिथे||१||

स्वार्थापायी मांडला छळ

तरी नाही फिकीर कसली

किती करता जीवाचे चोचले

का जाणिवांची मती नासली||२||

मिटणार आहे सारे 

होणार आहे माती त्याची 

का साठवण्याचा हट्ट 

सुकणार आहे बाग ज्याची||३||

ना नफा ना तोटा कसला

विसरतील ओळख तुझी

 कर्म करणे हातात जरी 

का वाहतोस गर्वाची ओझी||४||

मुठभर गरजांसाठी तुझ्या

 ओततोस धनाच्या राशी

 गोरगरिबांना मिळते जिथे 

रोज पोटा पाण्याला फाशी||५||