भारतीय संविधान

साधण्या सामाजिक, आर्थिक न्याय

मिळाले आपणांस भारतीय संविधान

साऱ्यांनाच दिधला समानतेचा सन्मान

विचार, अभिव्यक्ती स्वातंत्र्याचे हे गुणगान..|

शिक्षण, नोकरी साऱ्या क्षेत्रात संधी समान

माय भगिनींसाठी संविधान ठरले वरदान

न्याय, स्वातंत्र्य, समानता, बंधुतेची जाण

वागण्या, बोलण्याचा धडा तो छान.. |

यशवंत,गुणवंत, कीर्तिवंत होण्या शिक्षण 

जीवित, व्यक्तिगत स्वातंत्र्याबाबत संरक्षण

अपराधी गुन्हेगारास मात्र कडक शासन

करू सारे या तेजपुंज विचारांचे जागरण..|

जातीभेद विसरुनी करू संस्कृतीचे जतन

हिच देते संविधान आपणांस शिकवण

करू शाहू, फुले, आंबेडकर यांना नमन

एकता, अखंडता जपू आपण सर्वजण.. |

बावीस भाग, तीनशे पंच्यान्नव अनुच्छेदातून

26 नोव्हेंबर 1949 ला लिहिले सुवर्णपान

लेखणीत बंदिस्त केले भीमराव ते महान

सर्वश्रेष्ठ उपाधी दिधली तयांस भारतरत्न.. |