बाळराजे

महाराष्ट्राच्या पावन मातीत

शिवनेरीचे किस्से ताजे झाले..!

नगारे- तुतारीच्या निनादात 

बाळराजे जन्माला आले..!!

 कथा सांगून शूरवीरांच्या 

पेरली स्वराज्याची बीजे..!

मांसाहेब जिजाऊंच्यासंस्कार 

सावलीत घडले बाळराजे..!!

वयाने लहान जरी 

बाणा मात्र करारी..!

नीती -क्रांतीच्या रक्ताची

 नवनिर्मितीची भरारी..!!

तल्लीन होऊन ऐकी 

थोर संतांचे चरित्र..!

सह्याद्रीच्या दऱ्याखोऱ्यातील 

मावळेच त्यांचे सच्चे मित्र..!! 

जात-धर्म लहान-मोठा 

सारं विसरून जायचे..!

मावळ्यांची कांदाभाकर 

ते आवडीने खायचे..!!

असे बाळराजे आपले 

जिजाऊ त्यांच्या आदर्श..!

एकजुटीचा पाया रोवून 

केला मानवतेला स्पर्श..!!