बालमनाचे देवासमोरील गाऱ्हाणे
बालमनाचे देवासमोरील गाऱ्हाणे
आता तरी सांग देवा
कधी उघडतील शाळा
ऑनलाइनच्या शाळेचा
खरंच आला कंटाळा
खडू नाही फळा नाही
गुरुजी अन् बाईंशिवाय
जरासुद्धा करमत नाही
घर बसल्या अभ्यास म्हणजे
काही केल्या करवत नाही
मित्रांसोबत खेळण्याची
काही वेगळीच मजा
एवढ्याश्या त्या कोरोनाने
उगाचच दिली सजा
टीव्ही मोबाईल मोबाईल टीव्ही
नुसतंच सारखं सुरु
आई अन् बाबा हात धुऊन मागे
बनून कडक गुरु