लाइब्रेरी
प्रोफाइल
मी शाळा बोलतेय
मी शाळा बोलतेय
1 min
394
दार उघडता शाळेचे
अरे फळा लागतो रडू
मूग गिळून बसलेत पहा
पांढरेशुभ्र खडू
निरागस बोलक्या पाखरांशिवाय
गुरुजींना नाही करमत
छडी हातात घेतल्याशिवाय
हात नाही गप्प बसवत
घंटा सुद्धा बसली बरं का
कोपऱ्यात एका रुसून
ऑनलाईन शाळेला कंटाळलोय म्हणे
खरंच घरी बसून
मैदान सुद्धा डोळे लावून बसलंय
फक्त गोजिऱ्या लहानग्यांची
शाळासुद्धा वाट पाहते
दंगामस्ती करणाऱ्या पाखरांची
