नारीशक्ती महान

गरुड भरारी कर्तृत्वाची

घेऊनी उडते उंच अंबरी

विधात्याच्या सुंदर कलाकृतीची

अलौकिक शक्ती नारी भारी ;

पुष्पासम कोमल असुनी

प्रसंगी कणखर बनूनी हिरकणी

प्रेम अन् वात्सल्याची मूर्ती

तितिक्षेमधुनी बहरते हर मनी ;

ऋजुता वसते ठाई ठाई

पण नेतृत्वाची देते ग्वाही

कोणत्या ना कोणत्या रुपी

नारीशक्ती पुरुषांमागे मागे उभी राही ;

वक्र दृष्टीने पाहता कोणी

सज्ज ठेवती नयनांची समशेर

शत्रूने अगदी हार मानावी

नारीशक्ती समोर अखेर .