Library
Profile
बाबा माझं लगिन करा!
बाबा माझं लगिन करा!
1 min
351
बाबा लगिन करा
माझं लगिन करा
आवंदा तरी करा
बाबा लगिन करा
चार वरीस झाल्यात
एमेस्सी अॅगरी होऊन
'सुशिक्षित बेकार' शिक्का
जगतोय भाळी घेऊन
थकलो एमपीएस्सीचा
अभ्यास करून करून
कधी परीक्षा झाली रद्द
कधी मार्कांची सरहद्द
करतोय शेती आपली
ह्योच का माझा गुन्हा
हरवलाय पाऊस यंदाबी
दुष्काळ पाचवीला पुन्हा
पाव्हणे ईकडं फिरकेना
पोरीबाळी गावात देईना
सगळ्या तरण्याची दैना
कवा मिळंल आम्हा मैना
तुमी बी आता थकलाय
जीव आईचाबी दमलाय
सुनमुख कधी हो बघणार
नातवांना कधी खेळवणार
मामा मामीचं पाय धरा
धाकलीला मागणं घाला
कायबी करा कसबी करा
वैशाखात तरी मुहूर्त धरा
बाबा लगिन करा
माझं लगिन करा
आवंदा तरी करा
बाबा लगिन करा
