अतूट प्रेम

प्रेम दोघांत इतके अतूट असावे,

     की सोबत शेवटच्या क्षणापर्यंत राहावी l

एकाच्या काळजात जी धडधड व्हावी,

    लगेच समोरच्याच्या काळजात ती जाणवावी l

 एकाला आठवण आली की,

     लगेच चाहूल दुसऱ्याला लागावी l

बघण्याची एकाला इच्छा झाली,

     ओढ लगेच समोरच्याला भासावी l

मन मिलनास एकाचे आतुर,लगेच,

     पावले समोरच्याची चालायला लागावी l

दोघे समोरा समोर येताच,

      दोघांच्या डोळ्यात ती भासावी l

एकाने मिठीत घेतले तर, 

     दुसऱ्याने मारून मिठी दोघे एकजीव व्हावी l

ताटातूट कधीच होऊ नये ,

      म्हणून मारलेली मिठी घट्ट आवळावी l

 प्रेम दोघांत इतके अतूट असावे,

     की सोबत हि शेवटच्या क्षणापर्यंत रहावी l l