असला कसला हा दादला

   असला कसला हा दादला

   नेईना मला बाहेर फिरायला

   जाऊ म्हटले पिक्चर बघायला

   त्याला जागरणाचा कंटाळा आला||१||

    असला कसला हा दादला

     चला बोलले समुद्र चौपाटीला

     बोलतो ऊन लागेल माझ्या राणीला

     चल झोपूया दुपारच्या टायमाला

     जावू संध्याकाळी घरामागच्या बागेला||२||

    असला कसला हा दादला

     चल जाऊ बोलले मॉलमध्ये शॉपिंगला

     बोलतो माझा सारा पगारच संपला

     पुढच्या महिन्यात आणू साडीचोळीला

     आता सध्या नेस या जुन्याच पोतेऱ्याला||३||

 

     असला कसला हा दादला

     चल जाऊ म्हटले हॉटेलला जेवायला

    बोलला तुझ्या हाताची चव नाही त्याला

     खाऊया घरचे पौष्टिक अन्न लंचला

     जाऊ पुन्हा कधी जेवायला खानावळीला||४||

 

      असला कसला हा दादला

  

     विचारले सोडतोस का मला माहेराला

     तर बोलतो चल लाग जायच्या तयारीला

     महिनाभर रहा आपल्या माहेराला

     भेट लाडक्या आपल्या आई बापाला||५||

      असला कसला हा दादला