अशक्य तों तुम्हा नाही

अशक्य तो तुम्हा नाही नारायणा ।

निर्जिवा चेतना आणावया ॥१॥

मागे काय जाणो स्वामीचे पवाडे ।

आता का रोकडे दावू नये ॥२॥

थोर भाग्य आम्ही समर्थाचे कासे ।

म्हणवितो दास काय थोडे ॥३॥

तुका म्हणे माझे निववावे डोळे ।

दावूनी सोहळे सामर्थ्याचे ॥४॥

शंखचक्रगदापद्म ।

पैल आला पुरुषोत्तम ॥५॥

नाभी नाभी भक्तराया ।

वेगी पावालो सखया ॥६॥

दुरूनी येता दिसे दृष्टी ।

धाके दोष पळती सृष्टी ॥७॥

तुका देखोनी एकला ।

वैकुंठीहूनी हिर आला ॥८॥