लाइब्रेरी
प्रोफाइल
अरुणोदय
अरुणोदय
1 min
182
फाल्गुन वद्य तृतीयेला
एक तारा धरेवर आला
रविकिरणांसम तेजाने
शिवनेरी उजळून गेला !!१!!
ढोल नगारे ताशे झडती
सनई चौघडे वाजत होती
धन्य माऊली जिजाऊ पोटी
पुत्र अलौकिक झाला !!२!!
रवी किरणांचे तेज फाकती
पशू पक्षी ही किलबिल करीती
स्वराज्याचा अरुणोदय तो
तेजाने किती झगमगतो !!३!!
बोले जननी ते उदगार
कर रयतेचा तू उध्दार
पसरून दे रे चौफेर
राष्ट्रप्रेमाची झालर. !!४!!
अन्यायाला मारुनी लाथ
मावळ्यांची घेऊन साथ
क्रूर शक्तीला मार बाळा
तू रयतेला तार !!५!!
जननी ने त्या शपथ घेतली
रयतेसाठी कंबर कसली
केला बाळ तयार
तिचा हा केला बाळ तयार !!६!!
