अनुत्तरीत प्रश्न

आजही आठवतोय तो दिवस मुलाला शाळेत घेऊन जाताना

पाहिले होते मी त्याच्या डोळ्यातील असंख्य प्रश्नांना

पकडला होता त्याचा हात घट्ट कर्तव्य बजावताना

मी सदैव तुझ्यासाठी खंबीर असेन हे सांगायचे होते त्यातून त्याला

आज मुलगा मोठा झालाय, पाहून आनंद होतो त्याच्या यशाला

हातांची पकड आता सैल झाली तरी आशिर्वाद भरभरून मिळो त्याला

आजही दोघे एकत्र निघालो, पण आज मुलगा नेत होता बापाला

आज प्रश्न माझ्या डोळ्यांत, खरंच पर्याय नसे का व्रुध्दाश्रमाला