अंतर्मन

हा सुसाट सुटलेला वारा,

मला माझंच अंतर्मन वाटतंय.

हवं तसं बेछूट होऊन,

मन नुसतं उधळतय !

ना कोणती मर्यादा त्याला ,

ना कोणाची पर्वा .

संस्कृती अन शालिनतेचे ;

ना गोडवे ते गात आहे.

कशाला घाबरायचे कुणाला?

जर मी स्वतंत्र आहे!

स्वातंत्र्याची मशाल 

आज माझ्या हातात आहे.

ही मशाल वणवा लावेलच,

खात्री आहे मला....

अस्मितेची ठिणगी पडेलच,

मनात तिच्याही ;खात्री आहे मला !

माझे मला माहीत आहे;

काय बरोबर काय चुकीचे आहे.

पण तरीही...

हा सुसाट सुटलेला वारा,

मला माझंच अंतर्मन वाटत आहे...!