ऐश्वर्याचे वरदान
ऐश्वर्याचे वरदान
1 min
314
चोहीकडे सजलेली....
थेंबा थेंबाची झुंबरे ,
नक्षीदार कमानींची
शोभे पर्णांना उंबरे !......१
पावसाच्या सरींमुळे....
रान फुलांनी सजले ,
झाडे,वेली,नद्या,झरे
सारे जणू शहारले !.......२
सृजनाने निसर्गाच्या....
नव सौंदर्य जन्मले ,
ऐश्वर्याचे वरदान
मनःचक्षू सुखावले !.......३
इंद्रधनु हलकेच...
देतो ग्वाही अस्तित्वाची ,
चावी स्वर्गाची नभात
मनोहारी सोहळ्याची !.......४
तृणांकुर फुटलेले...
जागोजागी धरेवरी ,
सडा फळं, सुमनांचा
चालताना वाटेवरी !.......५
मंत्रमुग्ध पक्षी,प्राणी...
हवी त्यांना हिरवाई ,
वर्षा ऋतूची पर्वणी
मानवास नवलाई !.........६