आयुष्य
आयुष्य
आयुष्याचे वरदान
लाभे मानवा भाग्याने
दैवदत्त जन्म मृत्यू
हाती नाही येणे जाणे
प्राक्तनाप्रमाणे जन्म
होई लालनपालन
बाल्य शैशव यौवन
गाडी धावे घाटातून
आयुष्यास दे आकार
मनु स्वतः कर्तृत्वाने
करी विकास वेगाने
यशप्राप्ती प्रयत्नाने
रस्ता लागे वळणांचा
कधी यश अपयश
वृत्ती खिलाडू ठेवता
मिळे यश कीर्ती त्यास
आयुष्याचा लेखाजोखा
प्रेम मायेचा ओलावा
नातीगोती रेशमाची
गणगोत बंध हवा
असे अस्थिर आयुष्य
असे शेवट अज्ञात
सुखी रहावे मानसी
मंत्र जपा जीवनात