आठवणींची अनुभूती ...!

आठवणी ह्या संपतच नाहीत 

अधूनमधून स्मरत राहतात 

वारंवार घोंगावत राहतात फुलपाखरे होऊन 

मन:पटलाच्या प्रवेशद्वारावर ....

वादळांच्या तीव्रतेची कमान ताणून 

स्वप्नांचा चुराडा करणारी लाट 

अंतर्मनातील कपारीत विसावू देत नाही 

अंतर्मनातील कल्लोळाला .....

उद्रेकाच्या नव्यानव्या रूपांचे थैमान

आयुष्यच खर्जी पडण्याचा कद्रुपणा 

आता तर सावध होऊनच 

उद्रेकांच्या स्फोटातून जर्जर होण्याच्या काळाला 

थोपवाव लागेल ...

अजून किती बाकी आहेत शिलकीत

अनुभूतींच्या कथा, व्यथा आणि गाथा 

उगवत्याला नमस्कार करून दररोज 

गाठ बांधतोय आयुष्याच्या काखोटीला .... !!!!