।।आत्महत्येचं भय।।
।।आत्महत्येचं भय।।
अ हो कशाला झुरताय, उगाच आपल्या घरात|
उद्या पिकल दाना, शेतात आपल्या मळ्यात||
नाही खायला अन्न, पियाला पाणी घरात||
कधी येईल पाऊस, शिजतय काही तरी मनात|
कर्ज बाजरी झालोय, धड धड होती या उरात|
कर्ज मागाय फिरतोय, सावकार येतोय दरात||
मला कशाला आनालय, लगीन करून घरात|
जर मरायचं होत तुम्हा, गळफास लावून घरात||१||
बर वाईट जातील दिवस, अन सुखाच परत येतील|
जरा दमन घ्यावा की राया, हे दिस बी जातील||
झाले म्हातारे आई-बाप, येतय तुमच्या ध्यानात|
बायको पोरांचा इचार येतोय का, तुमच्या मनात||
कोण करील त्याचं, तुमच्या माघारी सार घरात|
आले सोडून माहेर प्रेमाच, तुमच्या मी या घरात||२||
नका सोडून जावू, माय-बाप पोरांचा आधार|
हे सरकार माय-बाप, देतय कुणाला आधार||
करु पोर-पोरींच लगीन, आपल्याच दारात|
काढू नाचत वरात, सुनबाई आणू या घरात||
तुम्हा करते विनवी कारभारी आपल्या घरात|
काही वाईट वंगाळ अनु नका तुमच्या मनात||३