आत माझ्या..!

कळलेच नाही कधी, कशी,

गाफील राहिले मी,

आयुष्याच्या वळणावर,

एकटीच पडले मी.

चिल्या पिल्ल्यांची,

चिवचिव सारी,

माझ्याच का,

कानी पडते?

चिमणा माझा भुर्रर्र उडाला;

दुसरीच्या हाकेसरशी.

मी बिचारी वाट पाहते,

चिमण्या ला साद घालते.

पिल्लांना जवळी घेऊन,

जमेल तितुके, घास भरविते.

अवचित येणाऱ्या, वादळांची;

 मनामध्ये, भिस्त वाटते.

वाटते मी वाघीण जरी;

आत माझ्या एक,

चिमणी राहते..,

आत माझ्या एक 

चिमणी राहते..!