आला गेला

तो आला

आज तो जरा वेगळ्याच मुडमध्ये होता 

तो थांबण्यासाठी नव्हता आला

तो आला

तो बिलगत राहिला 

सलगी करत राहिला 

धसमुसळेपणा करत राहिला 

सुसाट वा-यासारखा

स्वतः बहरत राहिला

पारिजातका सारखा

आणि अचानकपणे

तो शांत झाला

तो बोलत नव्हता 

पण ओठ थरथरत होते 

स्वतःला जपणा-या ज्योतीसारखं

तो आला ...

पण मी या कश्यातच नव्हतो

तो आला

तो गेलाही

क्षणभर पापण्या ओल्या झाल्या 

काळजात श्वास काळजातच कोंदला

श्वासाचा कोंडमारा झाला

उन्हातली स्वप्नं सावलीत संपली

तो आला आणि तो गेला

मी मात्र .....

तो गेलेल्या वाटेकडंच बघत राहीलो

तो नजरेआड होईपर्यंत