आजच्या काळापुढील प्रश्न
आजच्या काळापुढील प्रश्न
अपमानित होत आहे आज ती पदोपदी
छळणारे कौरव नि लज्जित पांडव आहे
रक्षणा धावा करी आज इथे द्रोपदी
हरवला कुठे तो श्रीकृष्ण पाहे
परस्री मातेसमान तो एक काळ होता
शिवबाच्या तलवारीचा धाक तो काय होता
आज स्वाभिमान तिचा तुडविला जात आहे
बोथट तलवार झाली, गंजत ती जात आहे
निर्दयी होऊनी कळ्या आज तोडिती
फुलणयाआधी त्यास कसे हो चिरडती
मानवाच्या भावना आज सा-या भग्न आहे
चिमुकलीच्या सुरक्षेचा गहन असा प्रश्न आहे