आईचे लाल

मातृदिनाची आज होईल कमाल

जागे होतील सारे आईचे लाल

जिने शिकविले बोटाला धरून चाल

शेवटी साथ सोडतील आईचे लाल

जिने जपले जीवनभर बनून ढाल

घाव तिच्यावर घालतील आईचे लाल

मिळाला जिच्यामुळे राहायला महाल

धाडतील वृद्धाश्रमात तिलाच आईचे लाल

 

जरी करून मोकळी ती सर्वकाही बहाल

काय दिले म्हणोनी विचारतील आईचे लाल

ज्यांच्यासाठी सोसले तिने इतके हाल

काय केले आमच्यासाठी विचारतील आईचे लाल