आघात

एक स्त्री म्हणून तिला  कोणी कसही बघाव

तिला पायदळी तुडवत कोणी कसही निघाव

किती वेदना द्याल तिला 

नाही का हक्क जगण्याचा 

डिवचून शरीर हि पडत लुळं

नाही का हक्क शांत मरण्याचा

खेळणं बनून खेळवायला तिला 

कुठे गेली हो तुमची मानुसकी 

निर्विकार लक्तर तोडताना तिची

हरवली कुठे तुमची आपुलकी 

विवस्त्रतेत तिच्या हसता तुम्ही 

झापडे लावून डोळ्यांवर 

आघात किती कराल सदा 

तिच्या निष्पाप मनावर

डोळ्यावरली पट्टी काढून 

वर्तमानात जगा तुम्ही 

भावविश्व तिचे अनोखे 

वेळीच ओळखावे तुम्ही 

तिच्या सोबत जगताना 

तिला ही आता जगू द्या 

निर्भीडपणे सार्यांसोबत 

तिला ही आता वागू द्या