Library
Profile
26 नोव्हेंबर चा ताज
26 नोव्हेंबर चा ताज
26 नोव्हेंबर ची ती काळी रात्र
रक्ताचा पाट वाहणारी
किंचाळीच्या ठिणग्या उडवणारी
झाकून गेली मुंबई ची शान
अन लिहून गेले ते
दहा अतिरेकी
मुंबई च्या छाताडावर
एक सैतानी सत्यकथा
पण या अतिरेक्यांना काय कळणार
हुतात्मा म्हणजे काय ते
ते वीरमरण मिळालं
कामठे करकरे साळसकर शिंदे यांना
ताज ही हळहळला असेल
संदीप अन गजेंद्र ची देशभक्ती पाहून
ओबेरॉय ही कधी विसरू शकणार नाही
ती काळी रात्र
देतंच राहील ग्वाही नरिमन हाऊस ही
या अतिरेकी हमल्याची
पण तुमच्या आमच्या मनावर जे
ओरखडे काढले या सैतानांनी
त्याचं काय ?
तीनही सेनेनं कर्तव्यच मानलं
स्वतःच्या देशभक्तीला
पण आपण विसरलो तर नाही ना त्यांना ?
जागावं लागेल
जर विसर पडत असेल तर
कारण खरे हिरो
या तीन सेनाच आहेत
आपण सुरक्षित जगतोय
हे उपकारच आहेत त्यांचे
खरंच आभार त्या पोलिसांचे आणि
अग्निशमन दलाचे
ज्यांनी जीवाची पर्वा न करता
बजावले आपले कर्तव्य
ज्यांनी सी एस टी स्टेशन चा मुकुट
पडू दिला नाही
म्हणून सुरक्षित आहोत आज आपण
पण पुन्हा पुन्हा मनाला चटका देऊन जाते
ती एकच गोष्ट
पुन्हा पुन्हा विचाराविशी वाटते
ती एकच गोष्ट
का ? काय मिळालं त्यांना असे
रक्ताचे पाट वाहून
पण कदाचित याचं उत्तर
त्यांच्याकडेही नसेल
कारण माणसाचा सैतान झाला
की असाच वागतो
मग तो कुठे
माणुसकी बघतो
