लाइब्रेरी
प्रोफाइल
आवाज गर्भाचा
आवाज गर्भाचा
1 min
210
आईच्या गर्भातून आला
नाजूक कोमल आवाज
आतून रडत होती ती
मुलगी होऊनी नाराज
मुलीने दिली अशी
गगनभेदी आरोळी
सुन्न झाली जमलेली
सारी जन मंडळी
होते तिला म्हणायचे
आई मला जगू दे गं
या गर्भाबाहेरील जग
डोळे भरून पाहू दे गं
काय गं आई सर्वांनाच
असते पोर हवीहवीशी
पण कशामुळे गं अशी
झाली मी तुला नकोशी
मुलाची गं होईन तुझ्या
अगदी लाडकी बहीण
जन्मा येण्या आधीच्या
मरण यातना कठीण
कोणाला तरी पाहिजे
लाडाची अशी एक लेक.
दिसतील तुला गं नक्की
माझ्यातील गुण अनेक
कोणाची तरी होईन मी
एकदम हक्काची मैत्रीण
जगू दिलेस मला तर असेन
मी कोणाची पाठराखीण
दिले मला आयुष्य तर
होईन मी तुमची शान
माझ्या सर्वच कृतींनी
वाटेल तुम्हा अभिमान
दाखवीन मी सर्वांना
माया ममतेचे हे रूप
गर्व माझा वाटेल आई
तुम्हाला नक्की खूप
असल्या बोलण्यावर
झाले सारे जण शांत
मुलगी नको का झाली ?
याची साऱ्यांच्या मनी खंत
