എരിഞ്ഞമരുന്ന ഭൂമി

മർത്യാ നിൻ അടങ്ങാത്തൊരഹന്തയാൽ

എരിഞ്ഞടങ്ങുന്നല്ലോ

ഈ ഞാനും എൻ കിടാങ്ങളും.

ഇന്നെനിക്കെന്റെ ഉടയാടകൾ ഇല്ല

ഇന്നെനിക്കെന്റെ ജീവനാഡിയും ഇല്ല

പാതി വെടിഞ്ഞ ശരീരവുമായി

ഇന്നും നിന്നെ പേറി നടക്കുന്നിതല്ലോ...

ഇന്നു നിന്റെ ഉച്ഛനിശ്വാസങ്ങൾ

നിന്നാലെ വിഷമയമായിടുന്നു

ഈ വിഷപ്പുകയും വിഷമവും പേറി

എത്ര നാളിൽ ഞാൻ എരിഞ്ഞമർന്നീടും

ഹേ മനുഷ്യ,

എത്ര നാളിൽ എരിഞ്ഞമർന്നീടും ഞാൻ.