ಸೀರೆ

ಗುಲಾಬಿ ಹೂವು ಕೈಯಲ್ಲಿ ಹಿಡಿದು

ನಸುಗೆಂಪು ಬಣ್ಣದ *ಸೀರೆ* ಯನಿರಿಸಿ

ಪ್ರೇಮ ನಿವೇದನೆ ಮಾಡಿದನವನು

ಮನಸಾಗದೇ ಹೋಯಿತು ತಿರಸ್ಕರಿಸಲು

ತಿಳಿಮುಗಿಲ ಆಗಸವೂ ಮೌನಿಯಾಗಿ

ಧರಣಿಗೆ ತನ್ನೊಲವ ಪ್ರಸ್ತಾಪಿಸಿದಂತೆ 

ಇಳಿಸಂಜೆಯ ಹೊತ್ತಿಗೆ ಭೇಟಿಯಾಗಿ

ತೆರೆದನು ನನ್ನಿನಿಯ ಪ್ರೀತಿಯ ಖಾತೆ

ಅವನುಡುಗೊರೆಯ *ಸೀರೆಯುಟ್ಟು* 

ಗುರುಹಿರಿಯರ ಸಮ್ಮುಖದಲ್ಲಿ ನೀಡಿದೆ ಒಪ್ಪಿಗೆ 

ಸಪ್ತಪದಿಯಲಿ ಜೊತೆಗೆ ಹೆಜ್ಜೆಯನಿಟ್ಟು

ಜೀವಗಳನೊಂದಾಗಿಸಿತು ಮದುವೆಯೆಂಬ ಬೆಸುಗೆ