ಮೂಕಜ್ಜಿ ಕಂಡ ಭಾರತ

ಸೀತಾ- ಆಮಿನಾರ ಸೌಹಾರ್ದತೆಯ ಬಂಧವೂ

ದಸರಾ-ಈದ್ ಹಬ್ಬಗಳಲ್ಲಿ ಕುಮಾರ-ರಹೀಮರ ಹಸ್ತ್ರವೂ

ಸಿಹಿ-ಉಪಹಾರಗಳೊಂದಿಗೆ ಸ್ನೇಹ ಸಮಾದಾನದ ಹಂಚಿಕೆ

ಊರ ಜನರಿಗೆ ಕುಡಿಯಲು ನೀರಿಗಿದ್ದ ಒಂದೇ ಮಡಿಕೆ

 

ರೈತರಲ್ಲಿ ಹಿಂದು-ಮುಸ್ಲಿಮರ ಗಾನವ ಹಾಡುತ್ತಾ ಉಲುಮೆ

ಸರಿಗಮ ರಾಗದಿ ಆಡಿದ ಜನಪದ ಗೀತೆಗಳ ಮಹಿಮೆ

ಕೈಲಾಸದಲ್ಲಿ ಪರಸ್ಪರ ಚರ್ಚೆ ಮಾಡುವುದರಲ್ಲಿ ನಂಬಿಕೆ

ದೈವಸ್ಥಾನ-ಮಸೀದಿ ಕಟ್ಟುವ ಪೂಜಾರ-ಹಾಜರರ ಕೊಡುಗೆ

 

ಕೈ ಜೋಡಿಸಿ ಕೌಶಿಕ್-ಆಶಿಕರು ಶಾಲೆಗೆ ಸಾಗುತ್ತಿದ್ದ ಸಾಲು

ಶ್ರೀಮಂತ-ಬಡತನ ವೆಂಬ ಪದವಿಲ್ಲದ ಆ ಕಾಲ

ನೆನೆಯಲು ಕಣ್ಣಿರು ಕಾಯುವುದು ಅನಂದಾಶ್ರುವಾಗಲು

ಕೊನೆಯಲ್ಲಿ ಇದೇನಾಯಿತು ಮೂಕಜ್ಜಿ ಕಂಡ ಭರತ ನಾಡಲಿ.

 

ಮತಾಂತರ, ಹಿಜಾಬ್, ವ್ಯಕ್ತಿಗಳ ವಿಮರ್ಶನೆಯ ಗೋಲು

ಪ್ರತಿಭಟನೆ ನಿಲ್ಲದ ಕಾನೂನಿನ ಅದಲು-ಬದಲು                             

ವಿದ್ಯೆಗಳಿಗೆ ಬೆಲೆ ಕೊಡದ ಅಗ್ನಿ ಉರಿಸುವ ಅಗ್ನಿಪತ್   

ಸಂವಿಧಾನದಲ್ಲಿದ್ದದನ್ನು ತಿಳುವಳಿಕೆ ಮಾಡುವ ರೂಪ  

 

ಜನಸಮಾನ್ಯರೆಡೆಯಲ್ಲಿ ಧರ್ಮಗಳ ಘರ್ಜನೆ

ಕೇಸರಿ-ಕಪ್ಪು ಎಂಬ ವಸ್ತ್ರಗಳ ನಡುವಿನ ಘರ್ಷಣೆ.

ಪಠ್ಯ-ಪರಿಷ್ಕರಣೆ ಎಂಬ ಹೆಸರಿನಲ್ಲಿ ಹಿಂದು ರಾಷ್ಟ್ರ ಶಿಲಾನ್ಯಾಸ

ವಿದ್ಯಯಿಲ್ಲದೆ ಬದಲಾಯಿಸುವಾಗ ಅವರಿಗಿಲ್ಲವೆ ಅವಮಾನ

 

ರೈತರಿಗಿಲ್ಲ ಅವರ ಬೆಳೆಗಳ ಸೂಕ್ತವಾದ ಬೆಲೆ

ಅತ್ಮಹತ್ಯೆಗಳಿಗಿಲ್ಲ ಬೆಳೆಬಾಲುವ ಆತ್ಮಗಳ ಲೆಕ್ಕಾಚಾರ

ಸೌಹಾರ್ದತೆಯ ಪುಟಗಳು ಹರಿದು ಸ್ವರಾಷ್ಟ್ರದ ಪುಟಗಳು

ಮುಚ್ಚಲಾಯಿತೇ ಮೂಕಜ್ಜಿ ಕಂಡ ಭಾರತದ ಬಾಗಿಲು..