ಶಿಶು ಗೀತೆ

ನಮ್ಮನೆಯ ಯುವರಾಜ ಸೋನು

ಅವನಿಗೆ ಬಲುಪ್ರಿಯವು ಮೀನು

ಬೊಗಸೆಯಷ್ಟು ‌ನೀರಿದ್ದರೂ ಸಾಕು

ಅಲ್ಲವನಿಗೆ ಮೀನು ಕಾಣಲೇ ಬೇಕು

ಸಿಕ್ಕಿತೆಂದರೆ ಪುಟ್ಟ ಮೀನಿನ ಮರಿ 

ಕುಣಿದು ಕುಪ್ಪಳಿಸುವ ಅವನ ಪರಿ

ಕೈಜಾರಿದರೆ ಸಮಾಧಾನ ಬಲುಕಷ್ಟ 

ನೀರು ಮಣ್ಣೆಂದರೆ ಕಂದನಿಗೆ ಇಷ್ಟ

ಚೆಂದದ ಬಟ್ಟೆಗಳು ಹಿಡಿಸದವನಿಗೆ

ಕೆಸರುಗದ್ದೆ ಪ್ರಿಯ ಮಣ್ಣಿನ ಮಗನಿಗೆ

ಮುಂಗಾರಿನ ಮಳೆಯಲ್ಲಿ ಕಾಡುವ ಶೀತ

ಪುಟ್ಟ ಮಕ್ಕಳಿಗೆಲ್ಲಾ ಸೋನು ಚಿರಪರಿಚಿತ

ಸಂಗಡಿಗರ ಜೊತೆಗೆ ಹೊರಟರೆ

ಭಯವಿಲ್ಲದೆ ಏರುವ ಶಿಖರದೆತ್ತರಕ್ಕೆ

ಮನೆಯ ನೆನಪಾಗುವುದೇ ಕಂದನಿಗೆ

ಒಂದೊಮ್ಮೆ ಹಸಿವು ಆಯಾಸವಾದಾಗಲೇ