ಪ್ರತ್ಯುಪಕಾರ

ಹಳ್ಳಿ ಹುಡುಗನೊಬ್ಬ

ಅವನೇ ನಮ್ಮ ಸಿದ್ದ

ಕಾಡಿನ ರಸ್ತೆಯಲ್ಲೆ

ಶಾಲೆಗೆ ಹೋಗುತ್ತಿದ್ದ

ಏನೋ ಶಬ್ದವಾಗಿ

ನೋಡಲು ಅಲ್ಲೇ ಇದ್ದ

ರೆಕ್ಕೆ ಬಡಿದು ಚೀರುತಿದ್ದ

ಕಂಡ ಒಂದು ಹದ್ದ

ಹುತ್ತದಿಂದ ಕಾಲ ಸುತ್ತಿ

ಎಳೆವ ಸರ್ಪ ಉದ್ದ

ಬಿಡಿಸಲದನು ತಾನು

ನೋಡಿ ಹಾವ ಒದ್ದ

ಹದ್ದು ಮೇಲೆ ಹಾರಿ 

ಮಾಡಿತೊಂದು ಸದ್ದ

ಹಲವು ದಿನದ ಬಳಿಕ

ಅಲ್ಲೇ ಬರುತ ಇದ್ದ

ಹಾವ ಕಂಡು ಹೆದರಿ

ಓಡುವಾಗ ಬಿದ್ದ

ಕಾಲ ಬಳಿ ಇದ್ದ ನಾಗ

ಬುಸುಗುಟ್ಟುತಲಿದ್ದ

ಹಾರಿ ಬಂದ ಹದ್ದು

ಉರಗವ ತುಂಡರಿಸಿದ್ದ

ಪ್ರತ್ಯುಪಕಾರಕೆ ವಂದಿಸಿದ

ಮರೆಯದೆ ನಮ್ಮ ಸಿದ್ದ