ಒಲವೇ ನಮ್ಮ ಬದುಕು..!!

ಸಪ್ತಸಾಗರದಾಚೆಗಿನ ಋಣಾನುಬಂಧವು

ಸಪ್ತಪದಿಯೊಳಗಿನ ಏಳು ಹೆಜ್ಜೆಯಲಿಹುದು

ಕಷ್ಟ ಸುಖಗಳಲಿ ಜೊತೆಯಾಗಿ ನಡೆಯುವೆವು

ಏಳೇಳು ಜನ್ಮದ ಬಂಧ ಮೂರು ಗಂಟಲ್ಲಿಹುದು

ಬಾಳಪಯಣದಲಿಹುದು ಕಲ್ಲು ಮುಳ್ಳುಗಳು

ಕಲ್ಲು ಮುಳ್ಳುಗಳೂ ಹೂವ ಹಾಸಿಗೆಯಾಯಿತು

ನಿನ್ನ ಒಡನಾಟದಿಂದ, ನಿನ್ನ ಪ್ರೀತಿ ಮಾತುಗಳು

ಮನವ ಮುಳ್ಳಲ್ಲಿದ್ದ ಗುಲಾಬಿಯಂತೆ ಅರಳಿಸಿತು

ಹುಟ್ಟು ಹಾಕದಿರೆ ಬಾಳದೋಣಿಯು ಸಾಗದು 

ನನ್ನ ಬಾಳದೋಣಿಯಲಿ ನೀ ಹುಟ್ಟು ಅಲ್ಲವೇನು?

ನಿನ್ನೊಲವೇ ಇಲ್ಲದಿರೆ ಈ ದೋಣಿ ದಡ ಸೇರದು

ಒಲವೇ ನಮ್ಮ ಬದುಕಾಗಿರೆ ಅಂಜಿಕೆಯು ಇನ್ನೇನು?