ನಯನ
ನಯನ
ಆ ಕಣ್ಣ ಕಂಡೊಡನೆ ನೂರಾರು ಕನಸು
ನಿದ್ದೆಯಲ್ಲೂ ವಾಲುತಿದೆ ನಿನ್ನ ನಯನದೆಡೆಗೆ ಮನಸು...
ಆ ನಯನದ ಆಳದಲ್ಲಿ ಮುಳುಗಿ ಬಿಡುವಾಸೆ ಇಂದು
ಅದೊಂದೆ ಸಾಕು ಈ ಜನುಮಕೆ ಎಂದೆಂದೂ!
ಸಾವಿರಾರು ಕನಸು ಕಣ್ಣಂಚಲಿ ಕುಣಿಯುತಿರಲು...
ಮನಸಲ್ಲೇನೋ ಅರಳು ಮರಳು...
ನೋಡುತ್ತಿದ್ದಂತೆಯೇ ಆ ಕಣ್ಣೋಟ ಸೆಳೆಯಲು...
ಮನಸು ಜಾರಿ ತಲೆ ಬಾಗಿ ಒಪ್ಪಿತು ಸೋಲು....
ಹೊಗಳಲು ಪದಗಳಿಗೆ ಸಿಗದು...
ಹಾಡಲು ರಾಗವೇ ಬರದು...
ಇನ್ನೂ ನೋಡಲು ಹಾಗೇ ನೋಡಲೇಬೇಕು ಎನ್ನುವಷ್ಟು ಸೊಗಸು...
ಹಾಗೆ,ನನ್ನ ಅರಿವಿಲ್ಲದೇ ಕರಗಿ ನೀರಾಯಿತು ಮನಸು....
ಭಾವನೆಗೆ ಬಂದಿವೆ ನೂರಾರು ಶಬ್ದ ಹೊಗಳಲು ಆ ನಯನ...
ಆದರೂ ಅನಿಸುತಿದೆ ಆ ನಯನ ಹೊಗಳುವ ಶಬ್ದಕ್ಕೆ ಇನ್ನು ದೊರೆತಿಲ್ಲ ಜನನ....
ಏನೆಂದು ಹೊಗಳಲಿ ಆ ಕಣ್ಣ ಸೌಂದರ್ಯ??
ಆ ಕಣ್ಣ ಸೌಂದರ್ಯ ಸವಿಯುತ ಮುಳುಗಲು ಮರೆತಿದ್ದಾನೆ ಆ ಸೂರ್ಯ.....!