ಒಲವಿನ ಉಡುಗೊರೆ
ಒಲವಿನ ಉಡುಗೊರೆ
1 min
229
ಜಿಟಿ ಜಿಟಿ ಸುರಿವ ಮಳೆ
ಮನಸ್ಸಿಗಪ್ಪಳಿಸುತಿಹೆ ಉದ್ವೇಗದ ಅಲೆ
ಅವನ ಪ್ರೀತಿಗೆ, ತನ್ನ ಮರೆತ ಶಕುಂತಲೆ
ಅದೆಂತಹ ಪ್ರೇಮವದು, ಭಲೇ !
ರಕ್ತದಿ ಬರೆದಿದ್ದನವನು ಓಲೆ,
ಜೊತೆಗೊಂದು ಉಡುಗೊರೆ ಕಿವಿಯೋಲೆ,
ಅವನಿಗವಳು ಪ್ರೀತಿಯ ಸೆಲೆ,
ಶಕುಂತಲೆಗೇ ಮೀಸಲೆಂದ ತನ್ನೆಲ್ಲ ಕಲೆ !
ಎಲ್ಲ ನೆನಪಾಗಿದೆ ಇಂದು ಅವಳಿಗೆ
ನೊಂದಿಹಳೀಗ, ಅವನಿಲ್ಲದ ತಪ್ಪಿಗೆ
ಈಗವನು ಸೀಮಿತ, ಬರೀ ಕನಸಿಗೆ
ಬಯಸುತಿಹಳು, ಒರಗಲು ಅವನೆದೆಗೆ
ಸಿಕ್ಕಿತವಳಿಗೆ ಅವನು ಕೊಟ್ಟ ಕಿವಿಯೋಲೆ
ಆ ಕಿವಿಯೋಲೆ ಬರೆಸಿತು ನೆನಪಿನೋಲೆ
ದಿಗಂತದಾಚೆಗೂ ನಡೆವಾಸೆ ಅವಳಿಗೆ
ಸಾಧ್ಯವಿದು, ಅವನೋದಿದರೆ ಈ ಓಲೆ