ಮನಸೇ...

ಮನಸೇ ನೀ ಹೇಳು ಒಂದು ಸಾರಿ

ನಾ ಕೇಳಬೇಕು ನಿನ್ನೆಲ್ಲಾ ನೋವು ಒಂದು ಬಾರಿ

ನಿನ್ನೀ ಬೇಸರಕ್ಕೆ ಕಾರಣ ಏನು?

ಮಾತೆಲ್ಲಾ ಮರೆತು ಮೌನವಾಗಿರುವೆಯೇನು?

ನಿನ್ನೀ ಅಳು ಯಾರಿಗೂ ಕೇಳಲಿಲ್ಲ

ನಿನ್ನೀ ನೋವು ಯಾರಿಗೂ ಕಾಣಲಿಲ್ಲ

ಏಕಿಷ್ಟು ನೀ ನೊಂದಿರುವೆ?

ಒಳಗೊಳಗೇ ಬಿಕ್ಕಿ ಬಿಕ್ಕಿ ಅಳುತಿರುವೆ

ನಿನ್ನ ಸ್ಪಂದನೆಗೆ ಪ್ರತಿ ಸ್ಪಂದನೆ ಸಿಗದಿರೆ ಸುಮ್ಮನಿರು

ಇನ್ನೆಂದೂ ಅವರ ಗೋಜಿಗೆ ಹೋಗದಿರು

ಇಷ್ಟೊಂದು ನೋವ ನುಂಗಿ 

ಸುಮ್ಮನಿರುವೆ ಯಾಕೆ?

ತಿರುಗಿ ಅವರಿಗೂ ಒಮ್ಮೆ ನೀ

ನೋಯಿಸಬಾರದೇಕೆ?

ನೀಡಿ ಬಿಡೊಮ್ಮೆ ಪ್ರತ್ಯುತ್ತರ

ಅವರಿಗೂ ಅರಿವಾಗಲಿ ನಿನ್ನ ನೋವಿನ ಆಳ..

ಯಾವುದಕ್ಕೂ ಬಾಗದಿರು

ನೀನು ನೀನಾಗಿರು..

ಎಲ್ಲರಲೂ ಪ್ರೀತಿ ಕಾಣುತಿರು

ಒಳ್ಳೆಯದನ್ನೇ ಸದಾ ಬಯಸುತಿರು...