ಮಹಾತ್ಮ ಪರಮಾತ್ಮ

ಸತ್ಯಾಗ್ರಹ ಅಹಿಂಸೆ ಶಾಂತಿ ಮೂಲ ಮಂತ್ರ

ಅಸಹಕಾರ ಬಹಿಷ್ಕಾರ ಗಾಂಧಿ ಮೂಲ ತಂತ್ರ

 ಸ್ವದೇಶಿ ಸಂಕೇತವಾಗಿ ಹಿಡಿದರು ಚರಕ

ವಿದೇಶಿಯರ ಪ್ರಾಬಲ್ಯಕ್ಕೆ ಹಾಕಿದರು ಚಿಲಕ

 ಪರಕೀಯರ ಓಡಿಸಿ ಭಾರತಾಂಬೆಯ ನೆಮ್ಮದಿಗಾಗಿ ಜನಿಸಿ

ಭಾರತೀಯರ ಐಕ್ಯತೆಯ ಶಕ್ತಿಯ ಒಗ್ಗೂಡಿಸಿ

ಅವರೊಳಗೆ ಅಗಾಧ ದೇಶ ಪ್ರೇಮದ ಕಿಡಿ ಹೊತ್ತಿಸಿ

ಸ್ವಾತಂತ್ರ್ಯದ ಕಿಚ್ಚು ಭಾರತವ ಬಂದಮುಕ್ತಗೊಳಿಸಿ

ಭಾರತೀಯ ಇತಿಹಾಸದಲ್ಲಿ ಹೊಸ ಯುಗದ ಏಳಿಗೆ

ಬ್ರಿಟಿಷರ ನೀತಿ ಧೋರಣೆ ದಬ್ಬಾಳಿಕೆ ವಿರುದ್ಧ ನಡಿಗೆ

ಅದು ಕೊಂಡು ಹೋಯಿತು ಸ್ವಾತಂತ್ರ್ಯದ ಕಡೆಗೆ

ಪೂರ್ಣ ವಿರಾಮ ಹಾಡಿತು ಇಂಗ್ಲೆಂಡ್ ಆಳ್ವಿಕೆಗೆ