ಕಲ್ಪನೆಯ ಹಾದಿಯಲ್ಲಿ......
ಕಲ್ಪನೆಯ ಹಾದಿಯಲ್ಲಿ......
ಖಾಲಿ ಹಾಳೆಯ ಮುಂದೆ ಕೈಚಾಚಿ ನಿಂತಿರುವೆ
ಯೋಚನೆಯ ಗೂಡನ್ನು ಮರಳಿ ಕೆದಕಿರುವೆ
ಲೇಖನಿಯ ಹಿಡಿದು ಏನನ್ನೋ ಬರೆದಿರುವೆ
ಬರೆದ ಸಾಲನ್ನು ಓಡಲಾರದೆ ಅಳಿಸಿರುವೆ
ಬಣ್ಣಗಳ ಕುಂಚದಲ್ಲಿ ಬಣ್ಣನೆಯನು ಬಿಡಿಸಿರುವೆ
ಕಡು ಕಪ್ಪು ಶಾಯಿಯಲಿ ಬೆಳಕಿನ ಹಾದಿಯನು ಬರೆದಿರುವೆ
ಕೂಡಿಸುತ ಭಾಗಿಸುತ ಪದಗಳನು ಪೋಣಿಸುತ ಕವಿತೆಯ ಹಾರವನು ರಚಿಸಿರುವೆ
ಅತಿಯಾದ ಪದಗಳನು ಮಿತಿಯಾಗಿ ಬಳಸುತ ಪ್ರೀತಿಯ ಓಲೆಯನು ಗೀಚಿರುವೆ
ಮೋಡಗಳ ಮರೆಯಿಂದ ಚುಕ್ಕಿಸಂಕುಲದ ಆಗಮನಕ್ಕಾಗಿ ಕಲ್ಪನೆಯ ಗುಡಿಯಲಿ ಕಾದಿರುವೆ
ನೆನಪಿರದ ಪದಗಳ ಹಿಂದೆ ಓಡುತ ಮರೆಯಾಗದ
ನೆನಪುಗಳನು ಮರೆತಿರುವೆ
ಎಲ್ಲಿಗೂ ಹೋಗದಂತ ಹಾದಿಯನ್ನು ಹಿಡುದು ಎಲ್ಲಿಗೋ ಹೊರಟಿರುವೆ
ಅರಿವಿಗೇ ಸಿಗದಂತ ಸಾಲನ್ನು ಹುಡುಕುತಲಿ ಕಾವ್ಯದ
ಗಡಿಯನ್ನು ತಲುಪಿರುವೆ
ಇನ್ನೂ ಹೆಸರಿಡದ ಮುದ್ದಾದ ಕೂಸನ್ನು ಚೆಂದದಿ ಸಿಂಗರಿಸಿರುವೆ