ಜೀವನವೊಂದು ರಂಗಮಂಟಪ..

ಜೀವನವೊಂದು ರಂಗಮಂಟಪ ಒಮ್ಮೆಯಾದರೂ ಮೆಟ್ಟಿ ನೋಡ

ವೇಷಭೂಷಣಗಳ ಧರಿಸಿಕೊಂಡು ಬಣ್ಣಗಳ ರುಚಿಯನ್ನು

ಸವಿದು ನೋಡ ಕೊಟ್ಟ ಗುಟ್ಟನ್ನು ಚಿತ್ತದಿ ಇಟ್ಟು ಪಾತ್ರವನ್ನು ಅನುಭವಿಸಿ ನೋಡ

ನೋವುಂಡರೂ ನಗುವಿನೊಡನೆ ಮಾದಪ್ಪನ ಪದವೊಂದ ಹಾಡಿ ನೋಡ

ಯಾರಿಗೂ ಕೇಡ ಬಯಸದೆ ನಿನ್ನ ಪಾಡಿನೊಡನೆ ನೀ ಕುಣಿದು ನೋಡ

ಅನ್ಯ ಮಾತುಗಳ ಇಣುಕಿ ನೋಡದೆ ತನ್ನದನ್ನೇ ಗರ್ವದಿ ಹಾಡ

ಬಂದು ಹೋದವರ ಚಿಂತೆಯನು ಬಿಟ್ಟು ಮಂಟಪದ ಮಡಿಲಲ್ಲೇ ಇದ್ದು ನೋಡ

ಸಿಕ್ಕ ಕಷ್ಟಗಳ ಸಹಿಸಿಕೊಂಡು ಪ್ರೇಕ್ಷಕರ ಮನವನ್ನು ಗೆದ್ದು ನೋಡ

ಕಣ್ಣೀರು ಮತ್ತು ಬೆವರಿನಿಂದ ಬಣ್ಣಗಳ ಕಾಳಜಿಯನು ನೀ ಮಾಡ

ಅತ್ತಿತ್ತ ಸುತ್ತ ಎತ್ತವೂ ನೋಡದೆ ಸಡಿಲಾದ ವೇಷವನು ಭಿಗಿಮಾಡ

ತನ್ನದಲ್ಲದ ಮಾತುಗಳು ತಣ್ಣಗಿದ್ದರು ಅವುಗಳು ನಿನಗೆ ಬೇಡ

ಜೀವನದ ನಾಟಕದಲ್ಲಿ ಎಂದಿಗೂ ನೀ ಸುಮ್ಮನೆ ಕೂರಬೇಡ