ಹುಲ್ಲೆಯ ಸ್ವಗತ

ಸಾವು ಬೆನ್ನು ಹತ್ತಿದರೇನು ಹಿಂದೆ

ಜೀವಿಸುವ ಸಳೆತವಿದೆ ಮುಂದೆ

ಮೃತ್ಯು ದೈತ್ಯ ಕಾರನಾದರೇನು

ಪುಟ್ಟ ಬದುಕು ನನಗಿಲ್ಲವೇನು

ಹೋರಾಟವೇಕಿಲ್ಲ ಇಲ್ಲಿ ಸಮ ಬಲರೊಡನೆ

ಇದೆ ಏನು ಸೃಷ್ಟಿಯು ನ್ಯಾಯ

ಸಮತೋಲನೆ

ಜೀವಿ ಜೀವಿಗಳಲ್ಲೇಕೆ ಈ ಘೋರ ಸಂಘರ್ಷಣೆ

ಬಲಾಡ್ಯರ ಪಕ್ಷಪಾತಿಯೇ ನೀನು ಓ ಭಗವಂತನೇ

ಜೀವವೂ ನಿನ್ನದೆ ಅನ್ನವು ನಿನ್ನದೆ ನಿನಗೆ ಎಲ್ಲ ಅರ್ಪಣೆ

ಪ್ರಾಣವು ನಿನ್ನದೆ ಬದುಕು ನಿನ್ನದೆ ನಿನಗೆ ಎಲ್ಲ ದೂಷಣೆ

ಹುಟ್ಟಿಸಿದವ ನೀನೆ ನಿನದೇ ನ್ಯಾಯ ನಿರೂಪಣೆ

ಕಾಯ್ದವನು ನೀನೆ ಕೊಡು ಈ ಜೀವಕೆ ರಕ್ಷಣೆ

ಚಲುವನ ಕೊಟ್ಟು ನನಗೆ ಬಲವೇಕೆ ಕೊಡಲಿಲ್ಲ

ಬಲವನು ಕೊಟ್ಟು ಅವಗೆ

ಕರುಣೆ ಏಕೆ ಇಡಲಿಲ್ಲ

ವಾದ ಅಪವಾದಗಳ ಗೊಡವೆ

ನಿನಗಿಲ್ಲಿ ಇಲ್ಲ

ಇದು ಈ ಹುಲ್ಲೆಯ ಸ್ವಗತ ಬರೀ

ಪದಪುಂಜವಲ್ಲ