ಅರುಣೋದಯ

ಮೂಡಣದ ಗಿರಿ ಒಡಲು ಬೆಳಕೊಂದ ಕಂಡಿರಲು

ಕಿರಣದ ಕಾಂತಿಗೆ ತಮವು ಸೋರಿ ಚುಕ್ಕಿಸಾಲು

ಜಾರಿರಲು ಬಾನಿನ ಚೆಲುವ ಕಂಡು ಶಶಿಯು ನಾಚಿ ಕರಗಿರಲು

ಕತ್ತಲಂಚಿನಲಿ ಅರುಣೋದಯ!

ಬೆಳಕಿನ ಕಾಂತಿಯೊಡೆತಕೆ ಮಂಜಿನ ಹನಿಯು ಕರಗಿರಲು

ವಸಂತದ ಮುತ್ತಿನ ಮಣಿಯು ತಾಕಿ ಕೊರಡು ಕೊನರಿರಲು

ಹೂ ರಾಶಿ ಅರಳಿ ತಾನು ಎದೆಯ ಚಾಚಿರಲು

ಬೆಳಕಿನಂಗಳದಲಿ ಅರುಣೋದಯ!

ನಿದಿರೆಯ ಮಡಿಲಿನಲಿ ಬೆಚ್ಚನೆಯ ಹಾಸಿನಲಿ ಕನಸೊಂದು ಚಿಗುರಿರಲು

ತಾಯ ಕೂಗೋದು ಮರಳಿ ಬಳಿಬಂದು ಕರ್ಣ ಕಮಲಗಳನು ಅರಳಿಸಿರಲು

ಕೋಗಿಲೆಯ ಧನಿ ಕೇಳಿ ಪಕ್ಷಿಗಳ ಇಂಪರಡಿ ಜಗವು

ಜಗಮಗಿಸಿರಲು ಕಣ್ಣ ತೆರೆಯಲು ನೋಡು ಅರುಣೋದಯ!