ಒ ಅಳುವೆ ನೀನೇಕೆ ಹೀಗೆ

ಒ ಅಳುವೆ ಮರೆಯದೆ ಹೇಳು ಒ ಅಳುವೆ ಮರೆಯದೆ ಹೇಳು

ದುಃಖದ ದೀಪವ ಹಿಡಿದು ನೀನೇಕೆ ನಗುತಿರುವೆ

ಕಾಯಿಸದೆ ಹೇಳು ನನಗೆ ಕಂಬನಿಯೇ ಬೇಕೇ ನಿನಗೆ

ನೋವನ್ನೆ ನೀಡುವೆ ನನಗೆ ನೀನೇಕೆ ಹೀಗೆ

|ಒ ಅಳುವೆ ಮರೆಯದೆ ಹೇಳು|

ಮರೆಯಾಗದ ನೋವೆಲ್ಲವ ಕೊಡುವುದನು ನೀ ಕಲಿತೆ

ಕಣ್ಣೀರಿನ ಮಳೆಯಲ್ಲಿಯೆ ಕೊಡೆಯಿರದೆ ನಾ ನೆನೆದೆ

ಕುಡಿಯೊಡೆದಿದೆ ಕಣ್ಣೀರಿದು ನೆನೆಯುತಲಿ ನಿನ್ನ ಮಳೆಗೆ

ದುಃಖದ ಸಿಂಚನದಲ್ಲಿ ಮುಳುಗಿಸುವೆ ನನ್ನನು ಏಕೆ

ಉತ್ತರಿಸು ಕಾಡದೆ ಒಮ್ಮೆ ನೀನೇಕೆ ಹೀಗೆ

|ಒ ಅಳುವೆ ಮರೆಯದೆ ಹೇಳು|

ಬೇಕಾಗದ ಬೇಗುದಿಯನು ಬಡಿಸುವ ಆಸೆ ಏನು

ಸಂತೋಷವ ಬದಲಾಯಿಸೋ ಪರಿಭಾವ ಸಾಕಿನ್ನು

ಕೈ ಮುಗಿವೆನು ಕನಸಲ್ಲಿಯು ಬಾರದಿರು ನನ್ನಾ ಜೊತೆಗೆ

ಕಣ್ಗಳ ಬಾಗಿಲಿನಿಂದ ಹೊರಬರುವ ಬಯಕೆಯೆ ನಿನಗೆ

ನಕ್ಕುಬಿಡು ಹಾಗೆ ಒಮ್ಮೆ ಅಳಬೇಡ ಹೀಗೆ

ಒ ಅಳುವೆ ಮರೆಯದೆ ಹೇಳು ಒ ಅಳುವೆ ಮರೆಯದೆ ಹೇಳು

ದುಃಖದ ದೀಪವ ಹಿಡಿದು ನೀನೇಕೆ ನಗುತಿರುವೆ