ಏಳೇಳು ಜನುಮ
ಏಳೇಳು ಜನುಮ
ಪ್ರೀತಿ ಅರಳಿ ಮುಗಿಲೆಲ್ಲಾ ಕೆಂಪಾಯಿತು
ಅನುರಾಗ ಮೂಡಿ ಪ್ರಣಯದಿ ತೇಲಿತು
ತನುಮನ ಒಂದಾಗಿ ಕನಸು ನನಸಾಯಿತು
ಮನಸು ಹಾಡಿ ಸರಸ ಶುರುವಾಯಿತು!!
ಹಕ್ಕಿಯಂತೆ ಹಾರಿ ಹಾರಿ ಗಗನದಲಿ ತೇಲಿತು
ಬೆರೆತಾಗ ನಾನು ನೀನು ಈ ಜಗವೇ ನಾಚಿತು
ಕಂಡಾಗ ನಿನ್ನ ಕೆನ್ನೆ ಕೆಂಪಾಗಿ ಹೋಯಿತು
ಮೂಡಣದ ರವಿತೇಜ ನಗುವಂತಾಯಿತು!!
ಈ ಧರೆಯು ನಾಕದಂತೆ ನಮಗಿಂದು ಕಂಡಿತು
ಪ್ರೀತಿಸಿ ಸೇರಲು ಆಸೆಯು ಚಿಮ್ಮಿತು
ಮನಸುಗಳು ಬೆರೆತಾಗ ಅದೇನೋ ಸುಖವೋ ಕಾಣೆ
ಏಳೇಳು ಜನುಮವು ಒಂದಾಗಿರುವ ಓ ಜಾಣೆ!!