ಏಕೆ ಹೀಗೆ
ಏಕೆ ಹೀಗೆ
ನಗು ನಗು ಮಾತು ನಡೆದಿತ್ತು
ಹಾಸ್ಯ,ಚರ್ಚೆಗಳಲಿ ಕಾಲ ಕಳೆದಿತ್ತು
ಏಕೊ ,ಹೇಗೊ ತಿಳಿಯಲೇ ಇಲ್ಲ
ನಮ್ಮ ನಡುವೆ ಅಂತರವು ಬೆಳೆಯಿತು
ಅಭಿಪ್ರಾಯಗಳು ಬೇರೆ ಯಾದವೊ !
ಅಂಧಾಭಿಮಾನ ಮೂಡಿದವೊ !
ಗೊಂದಲಗಳ ಗೋಡೆ ಎದ್ದವೊ !
ನಮ್ಮ ನಡುವೆ ಅಂತರವು ಬೆಳೆಯಿತು
ಇಬ್ಬರದಂತೂ ಮೃದು ಸ್ವಭಾವ
ಅನ್ಯರಿಗೆಂದೂ ಕೊಡೆವು ನೋವ
ಆದರೂ ಮನ ವಿಂದು ಏಕೋ ಭಾರ
ನಮ್ಮ ನಡುವೆ ಅಂತರವು ಬೆಳೆಯಿತು
ಅಹಂಮ್ಮಿನಲ್ಲಿ ನಾವಂತೂ ಮುಳುಗಿಲ್ಲ !
ಸ್ವಾಭಿಮಾನ ವಂತೂ ತೊರೆದಿಲ್ಲ !
ಅರ್ಥವೇ ಆಗದಾಯಿತು ಗೆಳೆಯ
ಒಡೆದು ಹಾಕ ಬಲ್ಲೆವ ನಡುವಿನ ಗೋಡೆಯ ?
.