ಚಳಿ ಚಳಿ

ಅರೆರೆ ಈ ಮುಂಜಾವು ಅದೆಂತಹ

 ಚಳಿಯ ತಂದಿದೆಯೊ ಮಾರಾಯ 

ಬಿಸಿ ಬಿಸಿ ಕಾಫಿ ಕುಡಿಯ ಬಯಸಿ ಏಳಲು 

ಬಿಗಿದಪ್ಪಿ, ಬಿಡೆನು ಇನಿಯ. 

ವಯಸು ಮಾಗುತ ಹೋದರೇನು ಮುಂದೆ 

ಪ್ರೀತಿಗೆ ಕಟ್ಟೆಯ ಕಟ್ಟುವರೇನು 

ಕಪ್ಪು- ಬಿಳಪು, ಸಣ್ಣ-ದಪ್ಪ ಎಂತಹುದಿದು 

ಮಡದಿಯ ಕಡೆಗಣಿಸಿ ಬಿಡುವರೇನು ? 

ಕರೋನಾ ಬಂತಂತೆ ಎಲ್ಲಾ ಕಡೆಗಳಲಿ 

ಬಟ್ಟೆ ಕಟ್ಟಿಕೊಳ್ಳಬೇಕಂತೆ ಮೂಗು ಮೂತಿಗೆ 

ಅಂತರ ಕಾಪಾಡಿ ಎಂದು ಕೂಗುವರೇ 

ಗಂಡ ಹೆಂಡತಿ ಹೆದರುವರೇ ಈ ತಡೆಗೆ ? 

ಹೆಣ್ಣಿಗೆ ಅವಳ ಕೈ ಬಳೆ ಸದ್ದಿಗೆ ಮರುಳಾಗದರೇ ಇಲ್ಲ 

ವಯಸಿಗನಾಗಲಿ ಇಲ್ಲ ಮುದುಕ ನಾಗಲಿ 

ಈ ಕರೋನಾ ಗಂಡೊ ಹೆಣ್ಣೊ ಅರಿತವರಿಲ್ಲ 

ಗಂಡಾದರೆ ಹೆಣ್ಣು ಹುಡುಕಿ ತರಬಹುದಿತ್ತಲ್ವಾ? 

ಕಾಯಿಲೆಯೊ ಕಸಾಯಿಯೊ ನರಳುತಿರುವರು 

ಸಾವೊ ನೋವು ಮರಣ ಹೊಂದುತಿಹರು

ಕಾಮಕ್ಕೆ ,ಪ್ರೇಮಕ್ಕೆ ಮಾತ್ರ ನೋವು,ಸಾವು ಇಲ್ಲ 

ತೋಳ ಬಂದಿಯ ನಡುವೆ ಮರೆವರೆಲ್ಲಾ