भोजपुरी गीत- हमके एगो सड़िया |

लेआई देता ना सईया हमके एगो सड़िया

मनवा अघाइल लुगरी पहिनब खूब बढ़िया

हमके एगो सड़िया

लेआई देता ना सईया हमके एगो सड़िया

रोज रोज भौजी तोहार नई सड़िया झलकावेली

छोटकी ननदिया सड़िया चम चम चमकावेली

सोरहो सिंगार करब सड़िया लेअइबा तहिआ

हमके एगो सड़िया

लेआई देता ना सईया हमके एगो सड़िया

सासू जी कहली हम ससुरजी से मंगली

तोहरो से कही कही हम रात दिन थकली

भसुर जी कहे हमके हम भइली पगलईहा

हमके एगो सड़िया

लेआई देता ना सईया हमके एगो सड़िया

छोटका देवरवा हमके बहुते रिझावेला

देखाई ललकी सड़िया हमके ललचावेला

बचावा रुपईया पिया जानी दारू तड़िया

हमके एगो सड़िया

लेआई देता ना सईया हमके एगो सड़िया

लिअईबा ना सड़िया हम नईहर चली जाइब

जाइब नईहरवा त फिर नाही आइब

लिअईबा जे सड़िया त खीर पूड़ी खईहा

हमके एगो सड़िया

लेआई देता ना सईया हमके एगो सड़िया।