Library
भोजपुरी गीत- दिल्ली शहरिया देख
भोजपुरी गीत- दिल्ली शहरिया देख
मोर बलमुआ हो हमके दिल्ली शहरिया दिखा दा |
दिल्ली मे जाई कुतुबमिनरिया घूमा दा |
मोर बलमुआ हो हमके दिल्ली शहरिया दिखा दा |
सुनीला के दिल्ली दिलवालन के नगरिया |
संसद भवनवा लाल किलवा के नजरिया |
कनाट पलेसवाके मीना बजरिया घूमा दा |
मोर बलमुआ हो हमके दिल्ली शहरिया दिखा दा |
मोर भारत देशवा के दिल्ली हउवे रजधानिया |
बड़े बड़े मंतरी औरी बड़ी बड़ी मकनिया |
चाँदनी चौकवा के राबड़ी मिठइया खिला दा |
मोर बलमुआ हो हमके दिल्ली शहरिया दिखा दा |
घूमे खातिर मनवा बाकी जीउआ घबड़ाला |
हवा पानी बिगड़ल दिल्ली धुआ मड़राला |
लिहल सांस दूभर आपन उमरिया बचा ला |
मोर बलमुआ हो हमके दिल्ली शहरिया दिखा दा |
जेने देखा ओने मोटरगड़िया खूब दौड़ेली |
भक भक साइलेंसरवा धुआ खूब फेंकेली |
धरना रैली होला रोजे जनी घुमरिया परा दा |
मोर बलमुआ हो हमके दिल्ली शहरिया दिखा दा |
का करबू गोरी जाइके दिल्ली शहरिया मे |
मरा जइबु दंगा भइल बीच बजरिया मे |
मोर करेजउ हो मोहे मोदी जी दरसनिया करा दा |
मोर बलमुआ हो हमके दिल्ली शहरिया दिखा दा |
