লাইব্রেরি
প্রোফাইল
भोजपुरी गीत- देशवा बढ़इहा ये भईया |
भोजपुरी गीत- देशवा बढ़इहा ये भईया |
1 min
23.2K
खुलल लोक डाउन अब खूब कमइहा ये भइया
करिहा कमाई आपन जनवा बचइहा ये भइया
अपने गउआ के खूब चमकइहा
परती खेतवा अपने हरवा चलईहा
उगली सोना खेतवा पसीना खूब बहइहा ये भईया
खुलल लोक डाउन अब खूब कमइहा ये भइया
जाइके शहरिया नाही ठोकर अब खाएके
सिरवा झुकाई ना इज्जतीया गवावेके
जेतना जुटी ओतने घरवा खइहा ये भइया
खुलल लोक डाउन अब खूब कमइहा ये भइया
करबा जे किसनिया धरतिया हरियाई
भरल रही धनवा ना अनवा ओराई
अपने लइकन के खूब पढ़इहा ये भइया
तोहरे करनवा बनी देशवा महान हो
तुही हवा अन्नदाता तुही किसान हो
आगे बढीहा अपने देशवा बढ़इहा ये भइया
खुलल लोक डाउन अब खूब कमइहा ये भइया।
